Мошенниклар тозагына ничек эләкмәскә: гомүми кагыйдәләр

Паспорт белешмәләрен һәм финанс белешмәләрен: карта һәм аның хуҗасы белешмәләрен, картаның арткы ягындагы өч урынлы кодны яки СМС-кодны беркемгә дә һәм беркайчан да хәбәр итмәгез. Банклар һәм дәүләт структуралары хезмәткәрләре беркайчан да мондый мәгълүмат сорамый. Аны социаль челтәрләрдә, форумнарда һәм интернеттагы нинди дә булса сайтларда бастырмагыз, шулай ук карта һәм PIN-код мәгълүматларын компьютерда яки смартфонда сакламагыз. Әгәр билгесез номердан шикле тәкъдим белән Үзәк банк, хокук саклау органнары, дәүләт оешмасы яки банк хезмәткәре шалтыратса (мәсәлән, сезнең исемнән кредит яки шикле операция ясау омтылышы, кертем буенча югары керем вәгъдә итү, акчаларны Үзәк Банкның махсус счетына күчерү тәкъдиме һәм башка шундыйлар) яки телефон буенча куркыталар һәм финанслар белән тиз хәрәкәт итүне таләп итәләр икән, трубканы куегыз. Әгәр сезгә мошенник шалтырата дип шикләнәсез икән, картаның икенче ягында яки аның сайтында күрсәтелгән телефон номеры буенча банкка шалтыратыгыз, яки шалтыратучы хезмәткәре булган ведомствоның контакт-үзәгенә шалтыратыгыз. Әгәр сезгә Үзәк банктан акча күчерүне сорап яки таләп итеп, шул исәптән «якланган» яки «махсус» счетка, яки кредит рәсмиләштерү турында тәкъдим белән шалтыратсалар, исәп буенча нинди дә булса гамәлләр кылмагыз. Россия Банкы счет ачмый һәм гражданнар белән эшләми. Мөмкин булганча антивирусны барлык җайланмаларга урнаштырыгыз һәм аны яңартыгыз. Интернетта сатып алуларны тикшерелгән сайтларда гына башкарыгыз. Онлайн-сатып алулар өчен махсус карта ачыгыз һәм аны түләү өчен кирәкле суммага тулыландырыгыз. Сатып алганда браузер юлында сайт исеме белән янәшә куркынычсыз тоташу билгесе (йозак) булуга игътибар итегез. Беркайчан да шикле сайтларда шәхси һәм финанс мәгълүматларын кертмәгез һәм шикле хатлардан сылтамалар буенча күчмәгез, алар, мәсәлән, сораштыру узарга, нинди дә булса түләү алырга һәм шуңа охшашны тәкъдим итә. Эзләү системаларында финанс оешмаларының рәсми сайтлары (Яндекс, Mail.ru) төсле түгәрәк белән тамгаланган.