Мөһим мәгълүмат

Пилотсыз очкычлар һәм һава һөҗүменә каршы системалар турында мәгълүмат тарату тыела Татарстан Республикасы Рәисенең массакүләм мәгълүмат чараларында, интернет челтәрендә, социаль челтәрләрдә, мессенджерларда пилотсыз очкыч (БПЛА) очышларының фото һәм видеоларын, шулай ук аларның һөҗүмнәренең мөмкин булган нәтиҗәләрен таратуны тыю турында Татарстан Республикасы Рәисенең 29.08.2025 №695 Указы чыкты. Нинди мәгълүматны, шул исәптән фото һәм видеоматериалларны да, бастырып чыгарырга ярамый икәнен аңлатабыз: - Татарстан территориясендә БПЛА куллану һәм аның нинди нәтиҗәләргә китерүе турында (аларның төрен, төшү урынын, очу траекториясен ачыкларга мөмкинлек бирә торган мәгълүматны да кертеп); - Татарстан территориясендә һавадан саклану һәм радиоэлектрон көрәш системалары эше турында; -Һава һөҗүменә каршы оборонаның бу системаларының урнашу урыннары турында; -ПВО объектларының урнашуын ачарга мөмкин булган теләсә нинди башка мәгълүмат. Тыю хакимият органнарының рәсми басмаларына һәм аларга сылтама биргән мәгълүматка кагылмый. Шуны онытмагыз, мондый материалларны бастырып, сез дошманга ярдәм итәсез һәм оператив хезмәтләрнең эшенә комачаулыйсыз. Күктә БПЛА күрсәгез, беренче чиратта, 112 номерына шалтыратыгыз.