Сезнең батырлык бәяләп бетергесез, сез мәңгегә зәйлеләр күңелендә...
Бүген Зәй районы махсус хәрби операциядә катнашкан ике хәрби-кече сержант Данилов Евгений Николаевич һәм рядовой Кольгин Данил Андреевич белән хушлашты.
Матәм панихидасы «Энергетик»мәдәният йортында узды. Һәлак булганнарның туганнарына һәм якыннарына, барлык зәйлеләргә кайгы уртаклашу сүзләре белән район башлыгы Разиф Кәримов, Татарстан Республикасы Хөкүмәте кураторы Иван Гущин, Зәй шәһәре һәм Зәй районы Хәрби комиссариатының өлкән белгеч – эксперты Георгий Борисов мөрәҗәгать итте.
Евгений Данилов һәм Данил Кольгинны соңгы юлга барлык хәрби хөрмәтләр белән озаттылар. Халык бер минут тынлык белән якташларын искә алды.
Евгений Николаевичны Төги авылы зиратына, Данил Андреевичны Яңа шәһәр микрорайоны зиратына җирлиләр.
Махсус хәрби операциядә катнашучы геройлар истәлеге зәйлеләрнең күңелендә мәңге яшәр!