Зәй муниципаль районы мәктәпләрендә Белем көненә багышланган тантаналы линейкалар узды
Бүген Зәй муниципаль районы мәктәпләрендә, шулай ук Зәй политехника көллиятенең беренче курс студентлары өчен Белем көненә багышланган бәйрәм линейкалары узды. 380 беренче сыйныф укучысы бүген олылар тормышына тагын бер адым ясады, 170 беренче курс укучысы һөнәри белем алуга беренче адымнарын ясады. Укучылар, студентлар һәм аларның әти-әниләре белән бергә тантаналы чараларда район җитәкчелеге дә катнашты. Зәй муниципаль районы башлыгы Кәримов Разиф Гали улы, мәгариф идарәсе җитәкчесе Сәфәргалиев Эрнст Рәис улы, Зәй эчке эшләр бүлеге башлыгы Камалюков Олег Минзекрәм улы Зәй политехника көллиятендә һәм 4 нче мәктәптә тантаналы линейкаларда булдылар. Разиф Гали улы мәктәп укучыларын, беренче курс студентларын, педагогларны белем көне белән котлады. Шулай ук бәйрәм уңаеннан 4 һәм һәм 6 нчы мәктәп коллективларына котлау сүзләрен район башлыгы урынбасары Уразайкин Петр Сергеевич, Зәй шәһәре прокуроры Урванцев Сергей Александрович җиткерделәр.