Зәйдә мәгариф хезмәткәрләренең август конференциясе узды

Зәйдә мәгариф хезмәткәрләренең август конференциясе узды 25 августта «Энергетик» мәдәният сараенда мәгариф хезмәткәрләренең «Зәй муниципаль районы мәгариф системасының өстенлекле кыйммәтләре: традицияләр, казанышлар һәм үсеш перспективалары» темасына еллык август конференциясе узды. Конференция эшендә район башлыгы Разиф Гали улы Кәримов; Мәгарифне үстерү институты ректоры Людмила Николаевна Нагуманова; Казан федераль университетының Алабуга институтының психология һәм педагогика факультеты деканы Алексей Николаевич Панфилов; «Агросила» АҖнең персонал белән эшләү идарәсе башлыгы Гөлнара Мөстәкыйм кызы Рәүзиева; "Сетевая компания" АҖ филиалының персонал белән идарә итү бүлеге башлыгы Эльвира Изһар кызы Хәйретдинова; җиденче чакырылыш Татарстан Республикасы Дәүләт Советы депутаты Комаров Рияз Фоат улы; Татарстан Республикасының мәдәни мирас объектларын саклау комитеты рәисе Гущин Иван Николаевич, район Советы һәм Башкарма комитеты хезмәткәрләре, авыл җирлекләре башлыклары, оешма, учреждение җитәкчеләре, мәгариф оешмалары җитәкчеләре, педагоглар катнашты. Конференциядә катнашучылар һәм кунаклар Россия Федерациясендә игълан ителгән Ватанны саклаучылар елына һәм Бөек Ватан сугышында Җиңүнең 80 еллыгына, Зәй муниципаль районында Хәтер һәм дан елына багышланган күргәзмәдә, «Геройлар батырлыгы-буыннар хәтере», «Актив балачак – кыйммәтләр ориентирларына юл», «Юл хәрәкәте иминлегенең яшь инспекторлары», «Карьерага старт биредә башлана: балалар бакчасында тәрбияләнүчеләрнең һөнәри үзбилгеләнүе» тематик мәйданчыкларында булдылар, «Мәктәпкә әзерләнергә ярдәм ит» акциясендә катнаштылар. Киңәшмә кысаларында мәктәп белеменең сыйфатын күтәрү, заманча мәктәп шартларында кыйммәт ориентирларын тәрбияләү системасы, сәләтле балаларны ачыклау һәм аларга ярдәм итү алымнарын камилләштерү, үсеп килүче буынны тәрбияләүне үстерү, бердәм белем бирү киңлегенең әһәмияте, мәгариф системасын үстерү тенденцияләре һәм перспективалары; профиль алды һәм профильле белем бирү мәсьәләләре, мәктәпләр һәм югары уку йортлары хезмәттәшлеге мәсьәләләре; «Мәктәп балалар бакчасында башлана: уңышлы старт шарты буларак дәвамлылыкны формалаштыру» яңа мәгариф проекты каралды. Конференция мәгариф системасының педагогик кадрларын бүләкләү тантанасы белән тәмамланды.