Зәй районында халык белән очрашулар дәвам итә

Бүген район башлыгы Р.Г. Кәримов Баграж һәм Югары Нәлем авыл җирлекләрендә яшәүчеләр белән очрашулар үткәрде. Разиф Гали улы авыл кешеләрен беренче яртыеллыкта районның социаль - икътисади үсеше нәтиҗәләре белән таныштырды, башкарылган эшләр турында сөйләде һәм 2025 елның калган чорына планнар билгеләде. Район башлыгы шулай ук авыл халкына район үсешенә лаеклы өлеш керткәннәре, свода катнашучыларга һәм аларның гаиләләренә ярдәм иткәннәре өчен рәхмәт белдерде. Шулай ук белгечләрнең авыл халкына гамәлдәге дәүләт ярдәме программалары, йорт хайваннары һәм кошлары авыруларын профилактикалау чаралары, авыл җирлекләрендәге оператив хәлләр турында чыгышлары тыңланды. Район башлыгы урынбасары П.С. Уразайкин бүген Зәй районы газ хезмәте коллективы һәм Югары Пәнәче авыл җирлеге халкы белән очрашулар үткәрде.