Зәйдә шәһәр һәм район Советлары утырышлары узды

Бүген Зәй муниципаль районы башлыгы Кәримов Разиф Гали улы рәислегендә муниципаль район Советының 51 утырышы һәм дүртенче чакырылыш Зәй шәһәре Советының 50 утырышы булды. Көн тәртибендәге төп мәсьәләләрнең берсе 2025 елга һәм 2026 һәм 2027 елларның план чорына район һәм шәһәр бюджетларына үзгәрешләр кертү, шулай ук Зәй шәһәрендә территорияне планлаштыру проекты буенча гавами тыңлаулар үткәрү тәртибе турындагы нигезләмәгә үзгәрешләр кертү иде. Зәй шәһәре Советы депутатлары «Воздвиженка» микрорайонының көньяк-көнчыгыш өлешендә урнашкан яңа урамга Җиңүнең 80 еллыгы урамы исеме бирү, шулай ук Заман урамының исемен Мансур Хәсәнов урамы итеп үзгәртү турында карарлар кабул иттеләр. Барлык каралган мәсьәләләр буенча карарлар кабул ителде һәм алга таба эшләү өчен беркетмәгә кертелде.