Зәй халкы өчен ачык һавада кино карау оештырылды

2025 елның 20 августы, чәршәмбе
Зәйнең бюджет киноучреждениесе олысы-кечесе өчен уңайлы тормыш һәм үсеш шартлары тудыруга юнәлдерелгән актив эш алып бара. Әлеге эш «Гаилә» милли проекты, шулай ук «Татарстанда җәй» проекты кысаларында үткәрелә. Шәһәр халкы өчен ачык һавада шәһәр киңлекләрендә, паркларда, скверларда, ишегалды мәйданчыкларында, шулай ук «Йолдызлык» балаларны савыктыру лагеренда нәфис фильмнар күрсәтелә. Агымдагы елның җәйге чорында урамда 5 кино күрсәтү оештырылды. Күпләргә таныш «Царевна-Лягушка», «Капитан Крюк», «Приключения маленького Бахи» нәфис фильмнарын карау балаларга фантазия дөньясына чумарга, дөньяга карашларын киңәйтергә һәм җәйге каникулларда күңелле вакыт үткәрергә мөмкинлек бирде, ә өлкән тамашачыларда уңай хис-кичерешләр уятты. Әлеге проектны гамәлгә ашыру дәвам итәчәк.
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International