Зәй районында җирле халык белән очрашулар башланды

 15 августта район җитәкчеләренең авылларда, хезмәт коллективларында һәм шәһәр микрорайоннарда  традицион очрашулары старт алды.. Халык белән беренче очрашулар Аксар һәм Югары Шепкә авыл җирлекләрендә район башлыгы урынбасары П.С. Уразайкин катнашында узды.

   18 августта район башлыгы Р.Г. Кәримов Яңа шәһәр микрорайоны халкы белән очрашты. Бүген Разиф Гали улы Чыбыклы һәм Якты Күл авыл җирлекләрендә халык җыеннары үткәрде. Разиф Гали улы авыл кешеләрен беренче яртыеллыкта районның социаль - икътисадый үсеше нәтиҗәләре белән таныштырды, башкарылган эшләр турында сөйләде һәм 2025 елның калган чорына бурычлар билгеләде. Район башлыгы шулай ук авыл халкына район үсешенә лаеклы өлеш керткәннәре, свода катнашучыларга һәм аларның гаиләләренә ярдәм иткәннәре өчен рәхмәт белдерде. Шунысы куанычлы, бу сезонда ике авылда да «асфальтка асфальт» программасы буенча үзәк урам юлларына асфальт җәелде. Авыл җирлекләре башлыклары Илфат Гадершин һәм Зиннур Мохтаров, әлеге мизгелдән файдаланып, халык исеменнән Разиф Гали улына төзек юллар өчен рәхмәт белдерделәр, шулай ук республика программаларын гамәлгә ашыру, гражданнарга үзара салым программасы буенча башкарылган эшләр турында халык алдында хисап тоттылар. Җыеннарда шулай ук белгечләрнең авыл халкына гамәлдәге дәүләт ярдәме программалары, йорт хайваннары һәм кошлары авыруларын профилактикалау чаралары, авыл җирлекләрендәге оператив хәлләр турында чыгышлары тыңланды. Халык белән очрашуларда районның тормыш тәэмин итү хезмәтләре җитәкчеләре катнаша, алар очрашулар башланганчы халыкны кабул итәләр, аларның көнүзәк сорауларына җавап бирәләр.