Зәйдә “Ишегалды бәйрәмнәре” уздырыла

Бүген - 20 августта бәйрәм Ленин урамының 9нчы йорт адресы буенча Ленин урамының 2, 4, 6, 8, 11,11 а йортларында яшәүчеләр өчен үтәчәк. Жуков урамы 9нчы йорт адресы буенча 12, 14, 18, 20, 22, 24нче йортларда яшәүчеләрне дә бәйрәм көтә. Бәйрәмнәр барышында "Безнең ишегалды" программасында актив катнашучыларны бүләкләү тантанасы, "Мәктәпкә җыенырга ярдәм ит" хәйрия акциясе узачак. Булачак беренче сыйныф укучыларына истәлекле бүләкләр тапшырылачак. Шулай ук концертлар, спорт ярышлары, мастер-класслар, уеннар, ишегалларында яшәүчеләр өчен төрле чаралар оештырыла. Чаралар 17.00 һәм 17.15 сәгатьтә башлана.