Зәй муниципаль районында балаларны савыктыру лагерьларының «Иң яхшысы – балаларга» республика фестивале узды

2025 елның 15 августы, җомга
15 августта «Яшьләр һәм балалар» милли проектын гамәлгә ашыру кысаларында балаларны савыктыру лагерьларының «Иң яхшысы – балаларга»республика фестивале узды. Балаларны савыктыру лагерьлары фестивале яшьләрнең үз-үзләрен тормышка ашыру, социализацияләү өчен мөмкинлек тудыра, бу «яшьләр һәм балалар»милли проекты бурычларына туры килә. Әлеге фестивальнең максаты-республикабызның балаларны савыктыру лагерьларында ял итүче балалар һәм яшүсмерләр арасында дустанә атмосфера булдыру, иҗади һәм спорт көрәше шартларында балаларны берләштерү, балаларны актив яшәү рәвешенә җәлеп итү, үсеп килүче буын арасында спортны һәм сәламәт яшәү рәвешен популярлаштыру. Фестивальдә Зәй һәм Мамадыш районнарының сәламәтләндерү лагерьларыннан 400гә якын бала һәм яшүсмер катнашты. Фестиваль кысаларында футбол, волейбол, йөзү кебек спорт ярышлары, шулай ук иҗади конкурс узды. Фестиваль дәвамында интерактив мәйданчыклар: мастер-класс, «беренчеләр хәрәкәте» мәйданчыгы, шулай ук фестивальдә катнашучылар һәм кунаклар өчен күңел ачу программасы эшләде. Барлык катнашучыларга дипломнар һәм истәлекле бүләкләр тапшырылды. Балалар сәламәтләндерү лагерьлары фестивале «Бөтен дөньяда дуслык»исеме астында уза һәм балаларга яңа танышулар, уңай хис-кичерешләр һәм тәэсирләр бүләк итә! "Лагерьлар фестивале-күңелле, дустанә атмосфера. Бу-яшьләрне иҗат, спорт аша тормышка ашыру ысулы. Шулай ук республикабызның башка районнарыннан килгән балалар белән танышу, фикерләр һәм тәэсирләр белән уртаклашу да бик күңелле булды», - дип үз тәэсирләре белән уртаклашты фестивальдә катнашучыларның берсе – Петр Пестряков. Әлеге фестиваль Зәй муниципаль районында өченче ел гамәлгә ашырыла һәм республика масштабындагы чараны уздыру мәйданчыгына әверелә. Барлык чаралар да Ватанны саклаучылар елына һәм Россия Федерациясендә 1941-1945 еллардагы Бөек Ватан сугышында Җиңүнең 80 еллыгына, Татарстан Республикасында Ватанны саклаучылар елына һәм Зәй муниципаль районында Хәтер һәм Дан елына багышланган.
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International