Бүген Зәйдә реконструкциядән соң автовокзал бинасын ачу тантанасы булды

Бүген Зәйдә реконструкциядән соң автовокзал бинасын ачу тантанасы булды. Ачылу тантанасында Зәй районы башлыгы Разиф Кәримов, Татарстан Республикасы Хөкүмәтеннән куратор Иван Гущин, Татарстан Республикасы Дәүләт Советы депутаты Ринат Фазылов һәм башка мәртәбәле кунаклар катнашты. Бинаны реконструкцияләү Татарстан Республикасы Инвестицион үсеш агентлыгының проектның нәтиҗәлелеге турында уңай бәяләмәсеннән һәм «Кама-Трак» ҖЧҖ белән Зәй районы Башкарма комитеты арасында муниципаль-хосусый партнерлык турында килешү имзаланганнан соң башланды. Яңартылган бинада пассажирлар өчен билет кассасы булган көтү залы, ана һәм бала бүлмәсе, беренче ярдәм күрсәтү өчен медицина пункты, бәдрәфләр, саклау камералары бар. Шунда ук ашау һәм балалар уеннары өчен утырту урыннары булган «Додо Пицца» кафесы урнашкан. Мөхтәрәм кунаклар өчен яңартылган бина буйлап экскурсияне шәхси эшмәкәр Ришат Шакиров үткәрде. Район башлыгы Разиф Кәримов бинаны төзекләндерүгә һәм автостанцияне ачуга өлеш кертүчеләрне тантаналы шартларда бүләкләде.