"Гаилә- бөек могҗиза"концерт программасы үтте
8 июльдә «Энергетик» мәдәният сарае мәйданына күркәм традиция буенча "Гаилә- бөек могҗиза"гаилә милли проекты кысаларында үтүче концерт программасына дистәләгән еллар тату яшәгән гаиләләр чакырылган иде. Чарада катнашучыларны "Гаилә-җәмгыятьнең нигезе, без ярдәм һәм аңлау таба торган урын,өйләрегездә һәрвакыт җылылык, рәхәтлек һәм үзара ихтирам булсын!"- дип юбилярларны Зәй районы башкарма комитеты җитәкчесенең социаль мәсьәләләр буенча урынбасары Регина Камалова җылы котлады. Бу көнне үрнәк булырлык гаиләләргә аерым игътибар бирелде. Сәхнәгә юбиляр гаиләләр: Алексей Анатольевич һәм Людмила Николаевна Бурсуковлар, Филимон Кузьмич һәм Нина Михайловна Кузнецовлар, Әнәс Минһаҗ улы һәм Вера Константиновна Сафиннар, Леонид Александрович һәм Лариса Петровна Богдановлар, Николай Панфилович һәм Елена Ивановна Васильевлар, Гаптрәүф Сөләйман улы һәм Зимфира Фирдәвес кызы Рәхимовлар,Александр Иванович һәм Нина Ивановна Шведчиковлар, Зөфәр Галемхан улы Рамилә Вәкил кызы Әсәдуллиннар,Терентий Евдокимович һәм Римма Тимерҗан кызы Бутаковлар, Владимир Алексеевич һәм Татьяна Николаевна Тумаковлар чакырылды. Бәйрәм кичәсен иҗат номерлары бизәде: гаилә, мәхәббәт, җәй турында җырлар яңгырады, ә биюләр шатлык һәм бердәмлек кәефе тудырды. Гаилә, мәхәббәт һәм тугрылык көнен бәйрәм итү төрле яшьтәге һәм һөнәр ияләрен берләштергән чын вакыйгага әверелде. Ул безгә якыннарыбызны саклау һәм кадерләү, гаилә традицияләрен саклау һәм ныклы һәм яратучан гаиләләр төзүнең мөһимлеген тагын бер кат искәртте. Нәкъ менә гаилә-ул безнең таянычыбыз, ярдәмебез һәм тормышыбызда төп кыйммәтебез бит! «Гаилә» милли проекты үз эшен дәвам итә, гаилә институтына ярдәм итү һәм рухи-әхлакый нигезләрне саклау – төбәкнең һәм илнең чәчәк ату нигезе икәнен исбатлый.