"Энергетик" мәдәният йортында "Питрау чибәре – 2025"район конкурсы узды

Бүген "Энергетик" мәдәният йортында "Питрау чибәре – 2025" район конкурсы узды. Район башлыгы Р.Г. Кәримов җитәкчелегендәге компетентлы жюри конкурста катнашучыларның чыгышларына бәя бирде. Кызлар презентация тәкъдим иттеләр - үзләре турында видео ролик, иҗади номерлар, керәшеннәрнең традицион ризыкларыннан берсен һәм керәшен костюмнарында дефиле әзерләделәр. Конкурста Зәй муниципаль районыннан 10 кыз : Зәй шәһәреннән Мингалиева Камиллә, Кадер авылыннан Ягафарова Лиана, Төги авылыннан Шишканова Дарья, Мирный поселогыннан Билас Есения, Зәй шәһәреннән Шушарина Елена, Зәй шәһәреннән Мингалимова Эльвира, Аксар авылыннан Мозаффаровна Резидә, Кадер авылыннан Габделхакова Лиана, Зәй шәһәреннән Муханова Кристина, Сәвәләй авылыннан Сабаева Алиса катнашты. Җиңүченең исеме Питрау бәйрәмендә рәсми рәвештә игълан ителәчәк.