Зәйдә наркотикларга каршы көрәш комиссиясе утырышы узды

Бүген кече Фәннәр академиясенең актлар залында район башлыгы урынбасары П.С. Уразайкин катнашында наркотикларга каршы комиссия утырышы булды. Көн тәртибе буенча түбәндәге мәсьәләләр каралды: комиссиянең алдагы утырышы йомгаклары буенча карарларның үтәлешен анализлау; гаиләләр, балалар һәм яшүсмерләр белән «хәвеф-хәтәр төркемнәре» ндә, шул исәптән җәйге чорда, профилактик эш оештыру; Зәй муниципаль районында наркотикларның законсыз әйләнешенә каршы тору, профилактика һәм аның нәтиҗәлелеген арттыру чаралары турында; психоактив матдәләр куллану нәтиҗәсендә гражданнарның агулануы; тәрбияләнүчеләр һәм ведомство буйсынуындагы мәдәният һәм сәнгать учреждениеләре хезмәткәрләре арасында наркотиклаштыруны профилактикалау эшен оештыру турында. Яшьләр эшләре идарәсе башлыгы Гүзәл Шәрәфиева, 9 нчы мәктәп директоры Гөлнара Мойкина, балигъ булмаганнар эшләре һәм аларның хокукларын яклау комиссиясенең җаваплы сәркатибе Виктория Сергеева, Россия Эчке эшләр министрлыгының Зәй районы буенча бүлеге оператив эш буенча полиция начальнигы урынбасары Эдуард Ефимов, психиатр-нарколог Илфат Салихов, мәдәният идарәсе башлыгы вазыйфаларын башкаручы Адель Корнилова чыгышлары тыңланды. Көн тәртибендәге барлык мәсьәләләр буенча тиешле карарлар кабул ителде. Наркотикларга каршы комиссия рәисе урынбасары комиссиянең барлык әгъзаларын һәм утырышта катнашучыларны эшне активлаштырырга өндәп, йомгак ясады.