Зәйдә һөнәри осталык буенча системалы ярышлар уза
Бүген "Электр көчәнеше астында эшләү үзәге"ндә һөнәри осталык буенча системалы ярышларга старт бирелде, анда "Челтәр компаниясе"АҖ бүлү челтәрләренең иң яхшы бригадасы исеме өчен республикабызның һәр энергорайонында уздырыла торган эчке ярышларда җиңгән үз эшенең иң яхшы профессионаллары көрәшәчәк. Ярышларны ачу тантанасында катнашучыларны район башлыгы Р.Г. Кәримов, "Электр көчәнеше астында эшләү үзәге" директоры Р. Р. Дәүләтшин, "Челтәр компания" АҖнең техник директоры А.Г. Латыйпов сәламләде. Ярышларда Әлмәт, Бөгелмә, Буа, Алабуга, Казан, Яр Чаллы, Түбән Кама, Идел буе, Чистай электр челтәрләреннән 9 бригада катнаша. Ярышлардан тыш, җитештерүче компанияләрнең чакырылган вәкилләре көчәнештә эшләү өчен бергәләп эшләнгән һәм гамәлгә кертелә торган саклану чараларын, җайланмаларны һәм диэлектрик юучы сыеклыкларны куллану буенча практик мастер - класслар үткәрәчәк.