Зәй Сабантуенда спорт ярышлары уза

Сабантуй-ул бәйрәм генә түгел, ул халкыбызның бай мәдәниятен һәм гореф-гадәтләрен чагылдыра торган спорт чараларының тулы бер комплексы. Сабантуйның спорт программасы энергия, дәрт һәм көндәшлек рухы белән тулы. Бүген спорт мәйданчыгында кул көрәше, мас-реслинг, гер спорты, авыр атлетика, штанга күтәрү, шашка һәм шахмат, волейбол буенча ярышлар уза. «ГТО» ВФСК мәйданчыгы эшли. Милли көрәшнең иң мавыктыргыч ярышында спортчылар үзләренең көчләрен, җитезлекләрен һәм осталыкларын күрсәтәләр. Бу көрәшләр тамашачыларда һәрвакыт көчле хисләр уята,һәр җиңү чын триумфка әверелә.