Бөек Ватан сугышы елларында һәм махсус операция барышында һәлак булганнарның каберлекләрен төзекләндерү

Җәйге чорда Зәй муниципаль районында ел саен балигъ булмаганнарны эшкә урнаштыру буенча эш оештырыла. Юнәлешләрнең берсе-төзекләндерү һәм яшелләндерү отряды. Бүген яшелләндерүчеләр «Дуслык» яшьләр үзәге активистлары белән бергә Бөек Ватан сугышы елларында һәм махсус хәрби операция барышында һәлак булган сугышчыларның каберлекләрен төзекләндерү буенча патриотик акциягә кушылдылар. Мондый акцияләр «яшьләр һәм балалар» милли проектының яшьләрдә патриотик кыйммәтләр формалаштыру буенча бурычларының берсен тормышка ашыра. "Сугышчылар истәлегенә без кылган гамәлләребез, җирләнгән урыннарын төзекләндерү аша рәхмәтебезне белдерә алабыз. Ветераннарның каберләрен җыештыру безнең бурычыбыз, патриотик тәрбия бирүнең мөһим өлеше булып тора", - ди яшьләр үзәге мөдире Наилә Ентальцева. Гражданнарның патриотик аңы җәмгыятьнең рухи-әхлакый бердәмлегенең нигезе булып кала бирә. Кешене үз җирен, халкын яратучы итеп тәрбияләү, Ватанын саклауга әзер булу – бик катлаулы бурыч һәм мондый акцияләр, бу яшьләргә Бөек Ватан сугышы елларында һәм махсус хәрби операция барышында батырларча көрәшкән хәрби хезмәткәрләрнең батырлыклары турында искә төшерергә тагын бер сәбәп.