Зәйдә «Безнең ишегалды» программасы буенча төзелеш эшләренә керештеләр

Зәй муниципаль районында Татарстан Республикасы Рәисенең "Безнең ишегалды" территорияләрен комплекслы төзекләндерү программасы нәтиҗәсендә 5 ел эчендә гомуми мәйданы 125 мең кв.метр булган 174 ишегалды үзгәртеп корылган, юллар һәм тротуарлар, яктырту, балалар мәйданчыклары һәм ял итү зоналары яңартылган. 2025 елда түбәндәге адреслар буенча тагын 15 ишегалды территориясен ремонтлау һәм төзекләндерү каралган: Ленин урамы – 4, 6, 8, 11, 14, 18, 19а, 20, 22, 24 йортлары; Рәфыйков урамы – 2, 4, 6 йортлары; Нефтьчеләр урамы – 32, 42 йортлары. Программа кысаларында балалар мәйданчыкларын яңарту, яңа асфальт җәю, территорияләрне яктырту һәм яшелләндерү планлаштырыла. Бу программа кысаларында төзекләндерелгән соңгы ишегаллары булачак, район бу сезонда "Безнең ишегалды" проектын төгәлли.