«Синең исемең, каһарман, данлыйбыз»

Зәй шәһәренең 9 нчы коррекцион мәктәп-интернатында Ватанны саклаучылар елына багышланган «Синең исемең, каһарман, данлыйбыз» дигән музей дәресе узды. Күңел җылысы белән сугарылган очрашу балалар өчен батырлык дәресе генә түгел, ә батырның үзе белән күзгә – күз очрашу мөмкинлеге дә булды. Чараның кунаклары-сугыш афәтен үз күзләре белән күргән СВО ветераны Изосимов Сергей Михайлович һәм район ветераннар советы рәисе, буыннар хәтерен саклаучы Алексеев Алексей Васильевич. Сергей Михайлович укучыларга солдат хезмәтенең авыр көннәре, анда физик көч кенә түгел, үткен акыл, бер мизгелдә реакция ясау һәм үз-үзеңне камилләштерүне таләп итә торган сугышчан бурычлар турында сөйләде. Ул ассызыклаганча, заманча сугышчы-батырлык һәм интеллект кушылмасы. Ветеран балаларга махсус хәрби операциядә катнашучы солдатларга җылылык һәм ярдәм нуры булган күңелгә үтеп керерлек хатлары һәм открыткалары өчен рәхмәт белдерде. Балалар кулы белән язылган һәр сүз дулкынланып укыла һәм, йөрәкләрне җылытып, кадерләп саклана. Очрашуның кульминациясе егетләр өчен хәрби киемнәр турында белү мөмкинлеге булды. Шулай ук ветеран СВО вакытында алган бүләкләре турында сөйләде, күз яшьләре аша, кызганычка каршы, беркайчан да өенә кайтмаячак сугышчан дусты турында хатирәләре белән уртаклашты...