Сабыйлар үлемен кисәтү: Район үзәк дәваханәсендә педиатр лекциясе

4 мартта поликлиниканың педиатрия бүлегендә «Сабыйлар үлемен кисәтү» темасына мөһим лекция булды. Тәҗрибәле педиатр Кадрия Хәлиуллина яңа туган балаларның сәламәтлеген саклауның һәм сабыйлар үлеме куркынычын киметүнең төп аспектлары турында җентекләп сөйләде. Лекция ата-аналар һәм медицина хезмәткәрләре өчен оештырылды. Максат-сабыйларны карауның заманча ысуллары турында хәбәрдарлыкны арттыру. Кадрия Ринатовна үз вакытында медицина күзәтүенең, дөрес туклануның, вакцинациянең һәм гигиена нормаларының мөһимлегенә игътибарны юнәлтте. Чара кысаларында сәламәт бала кабинетының шәфкать туташы Тәнзилә Хисамова яңа туган балаларны карау һәм авыруларны профилактикалау буенча киңәшләр тупланган мәгълүмати буклетлар таратты. Бу материаллар ата-аналарга балаларының сәламәтлеге мәсьәләләрен яхшырак белергә ярдәм итәчәк. Сабыйлар үлемен кисәтү-заманча медицинаның өстенлекле бурычларының берсе. Мондый лекцияләр һәм мәгълүмати кампанияләр балалар үлеме күрсәткечләрен киметүгә һәм гаиләләрнең тормыш сыйфатын яхшыртуга ярдәм итә. Чара «Гаилә» «Ана һәм балаларны саклау» федераль милли проекты кысаларында уздырылды.