Зәйдә тыл хезмәтчәннәренә юбилей медальләре тапшырылды

Бүген «Энергетик» мәдәният йортында Зәй муниципаль районы Советының йомгаклау утырышы кысаларында, Бөек Ватан сугышы елларында тылда батырлык күрсәткән ветераннарга юбилей медальләре тапшыру тантанасы булды. Өлкән буынга рәхмәт сүзләре белән «1941-1945 еллардагы Бөек Ватан сугышында Җиңүгә 80 ел» медальләрен тыл хезмәтчәннәренә район башлыгы Разиф Кәримов, Татарстан Республикасы Дәүләт Советы Рәисе урынбасары Юрий Камалтынов, Россия Федерациясе Дәүләт Думасы депутатлары Олег Морозов, Айдар Метшин һәм ТР Хөкүмәтеннән район кураторы Иван Гущин тапшырдылар. Юбилей медальләре белән Фәһимә Әминова, Люция Шәрипова, Мария Зотова, Миннасма Хафизова, Миңнурый Әхмәтова, Муназдаха Халикова бүләкләнде. Бүләкләр тапшырганда, кунаклар ветераннарга Бөек җиңүгә ирешүдә керткән өлешләре өчен рәхмәт белдерделәр. «1941-1945 еллардагы Бөек Ватан сугышында Җиңүгә 80 ел" медале 2024 елның 2 сентябрендә Россия Президенты Владимир Путин Указы белән фашист илбасарларын Җиңүнең 80 еллыгы уңаеннан гамәлгә куелды.