Зәйдә махсус операциядә һәлак булганнарның дәүләт бүләкләре гаиләләренә тапшырылды

Бүген хакимият бинасының зур залында махсус хәрби операция зонасында һәлак булган хәрбиләрнең туганнарына дәүләт бүләкләрен тапшыру тантанасы булды. Чара һәлак булучылар истәлегенә бер минут тынлык белән башланып китте. Район башлыгы Разиф Кәримов һәлак булган солдатларның туганнарына, улларын илебезнең чын патриотлары итеп тәрбияләгәннәре өчен рәхмәт белдерде. Россия Федерациясе Президенты Указы нигезендә хәрби бурычын үтәгәндә күрсәткән батырлыклары һәм фидакарьлекләре өчен, «Батырлык ордены» белән үлгәннән соң: ерейтор Борһанов Динар Роберт улы, рядовой Джураев Фарход Илшат улы, рядовой Корнилов Сергей Николаевич, рядовой Леонтьев Станислав Игоревич, рядовой Сәйфуллин Рөстәм Хуҗат улы, рядовой Шков Владимир Николаевич бүләкләнделәр. Хәрбиләр Ватанны саклауга бастылар, куелган бурычларны батырларча үтәделәр, батырлык күрсәттеләр, зәйлеләр өчен алар чын геройлар- батырлык һәм кыюлык үрнәге. Бүләкләрне туганнарына район башлыгы Разиф Кәримов һәм хәрби комиссар Айрат Әгъләмҗанов тапшырды. Шулай ук Станислав Леонтьев гаиләсенә РФ Оборона министрлыгының «Махсус хәрби операциядә катнашучы» медален, ә Владимир Шков гаиләсенә «Батырлык өчен»медален тапшырдылар. Геройлар турындагы якты истәлек безнең йөрәкләрдә озак сакланыр.