Зәйдә махсус хәрби операциядә катнашкан А.Р. Бәдретдинов белән хушлаштылар

Бүген зәйлеләр махсус хәрби операциядә катнашкан рядовой Бәдретдинов Айрат Рафаил улы белән хушлашты. Хәрби хезмәткәр хәрби бурычны үтәү барышында һәлак булган. Матәм панихидасы «Энергетик» мәдәният йортында узды. Район башлыгы Р.Г.Кәримов ТР рәисе Рөстәм Миңнеханов исеменнән, шәхсән үзе һәм барлык зәйлеләрдән һәлак булучының әнисенә, улына, туганнарына һәм якыннарына кайгы уртаклашу сүзләре белән мөрәҗәгать итте. "Бүген без тагын бер Ватанны саклаучыны соңгы юлга озатабыз – Айрат Рафаил улын, ул Ватанны саклау эшенә бәяләп бетергесез өлеш кертте һәм илебезнең азатлыгы һәм бәйсезлеге өчен көрәш кырында батырларча һәлак булды. Ул чын ирләрчә соңгы чиккә кадәр хәрби антына тугры калды, баш өстендәге тыныч күк йөзе өчен гомерен бирде. Кайтарып булмаслык югалту уңаеннан чын күңелдән кайгы уртаклашу сүзләрен кабул итегез. Улыгызны Ватаныбызның чын патриоты итеп тәрбияләгәнегез өчен рәхмәт", - диде Разиф Галиевич. Җыелучылар алдында шулай ук Татарстан Республикасы Хөкүмәтеннән куратор И. Н.Гущин, Зәй шәһәре һәм Зәй районы хәрби комиссары А. Ф. Әгъләмҗанов чыгыш ясады. Айрат Бәдретдиновны соңгы юлга барлык хәрби тәртипләрне үтәп озаттылар. Солдатны бер минут тынлык белән искә алдылар.Аны Яңа шәһәр микрорайоны зиратында җирләделәр.Герой турындагы истәлек зәйлеләрнең йөрәкләрендә озак сакланыр.