Районның урман хуҗалыгы хезмәткәрләре 2024 ел эшчәнлегенә йомгак ясадылар

Бүген Мирный шәһәр мәдәният йортында район башлыгы Р.Г. Кәримов катнашында 2024 елда «Зәй урманчылыгы» ДКУ һәм «Зәй урман хуҗалыгы» ДБУ эшенә йомгаклар ясау һәм 2025 елда янгын куркынычына каршы чаралар һәм урман культуралары сезонына әзерлек буенча киңәшмә узды. Разиф Гали улы коллективларны Зәй муниципаль районының 2024 елгы социаль-икътисади үсеш нәтиҗәләре һәм 2025 елга бурычлары белән таныштырды. «Зәй урманчылыгы» ДКУ җитәкче-урманчысы И.Г. Забродина «Зәй урманчылыгы» ДКУ һәм «Зәй урман хуҗалыгы» ДБУ эшчәнлегенә йомгак ясады һәм быелга куелган бурычлар турында сөйләде. "ТР Зәй районы урманчылыгы һәм урман хуҗалыгы" берләшкән беренчел оешмасы рәисе, Кушник урманчылыгы урманчысы А.Г. Бычков 2024 елга күмәк килешүләрнең үтәлеше буенча хисап тотты һәм 2025 елга бурычлар билгеләде. Чара азагында ветераннарны һәм урман хуҗалыгы хезмәткәрләрен бүләкләү тантанасы булды. Күпьеллык нәтиҗәле хезмәте һәм Татарстан Урман хуҗалыгы өлкәсендә нәтиҗәле эше өчен, «Зәй урман хуҗалыгы»дәүләт бюджет учреждениесе бухгалтеры Киселева Валентина Михайловнага Татарстан Республикасы Министрлар Кабинетының Рәхмәте белдерелде. Урман хуҗалыгы системасындагы нәтиҗәле намуслы хезмәтләре өчен, Зәй муниципаль районы башлыгының Мактау грамотасы белән Рәхмәтуллин Рәфис Нигъмәтҗан улы - Болгар урманчылыгы урманчысы, Гаделшина Светлана Ивановна - Зәй урманчылыгы мастеры, Шигаева Миңнурый Гәрәй кызы - Зәй урманчылыгы мастеры бүләкләнде. «Зәй урманчылыгы»дәүләти казна оешмасы каравылчысы Перцева Татьяна Михайловна Зәй муниципаль районы башлыгының Рәхмәт хаты белән бүләкләнде.