Поповка авыл җирлегендә халык җыены узды

Бүген Поповка мәдәният йортында район башлыгы урынбасары П.С. Уразайкин катнашында халык белән очрашу узды. Халык җыелышында шулай ук район Советы аппараты, Башкарма комитеты җитәкчеләре, белгечләре, шәһәр һәм район хезмәтләре һәм ведомстволары вәкилләре катнашты. Көн тәртибенә түбәндәге мәсьәләләр кертелде: районның социаль-икътисади үсеш йомгаклары һәм 2025 елга бурычлар турында; Поповка авыл җирлегенең 2024 елга социаль-икътисади үсеш йомгаклары һәм 2025 елга бурычлар турында; авыл халкына гамәлдәге дәүләт ярдәме программалары турында; йорт хайваннары һәм кошлары авыруларын профилактикалау чаралары турында; авыл җирлегендә оператив вәзгыять турында һ.б. 2024 елда авыл җирлегендә үзара салым буенча түбәндәге эшләр башкарылды: Поповка авылында православие зиратына юл салу, Дмитровка һәм Яңа Мәлем авылларында Үзәк урамнардагы юлны ремонтлау. Актив гражданлык позицияләре, махсус хәрби операциядә катнашучы хәрбиләргә түләүсез ярдәм күрсәтүләре өчен, Поповка авылының маскировка челтәрләрен үрү буенча волонтерлык төркемнәре район башлыгының Рәхмәт хатлары белән бүләкләнделәр.