Зәй-2 микрорайонында яшәүчеләр белән очрашу узды

28 январь көнне Зәй-2 микрорайонында район башлыгы Р.Г. Кәримов катнашында халык очрашуы узды. Җыелыш башланганчы шәһәр хезмәтләре тарафыннан гражданнарны кабул итү оештырылды, биредә яшәүчеләр үзләрен борчыган сорауларга җавапта ала алды. Район башлыгы Разиф Кәримов очрашуны районның социаль-икътисади үсеше турындагы чыгышы белән башлады, 2024 елдагы эшкә йомгак ясады һәм агымдагы елга планнар турында сөйләде. Очрашуга җыелган халыкка шәһәр Башкарма комитеты җитәкчесе урынбасары Г.М. Әхмәтшина 2024 елда шәһәрне төзекләндерү эшләре һәм 2025 елга куелган бурычлар турында сөйләде. Җыелышта катнашучылар микрорайондагы оператив хәл турында доклад тыңладылар, 2025 елның 1 гыйнварыннан йорт этләрен мәҗбүри теркәүнең үз көченә керүе турында белделәр. Очрашу азагында бүләкләү тантанасы булды. «МТС» һәм «Продвижение» территориаль иҗтимагый үзидарә рәисләре Т.И. Леонович һәм О.В. Пукаева район башлыгының Рәхмәт хаты белән бүләкләнделәр. Актив гражданлык позицияләре, мобилизацияләнгән гражданнарга ярдәм күрсәтүләре өчен, «Яшьләр үзәге» МБУ коллективы, «Искорка» 1 нче мәктәбенең волонтерлар отряды, Кондратьевлар гаиләсе, хәйрияче Миңнеханов М. М., «Макраме» клубы волонтерлары: Акдигитова Ф. Г., Смоленцева И.В., Галяминская Г. Н., Шиһапова Г.Р., Зорина Л.А., Трофимова Л.Х. бүләкләнделәр.