Яшьләр үзәгендә МХО сугышчысы белән очрашу узды

Бүген Иске - Зәйнең яшьләр үзәгендә "Паштет" позывнойлы сугышчы белән очрашу узды. Ул махсус хәрби операция зонасында алган кичерешләре һәм дәресләре белән уртаклашты. Бу әңгәмә сугыш барган урындагы хәлләрне генә түгел, шәхес формалаштыра торган чын кыйммәтләр турында белергә теләүчеләрне җыйды. Сугышчы сүзен солдатлар очраша торган кыенлыкларны санаудан башлады. Ул сугышчан дуслар арасында барлыкка килә торган туганлык хисләре һәм шушы тойгының иң авыр шартларда аларга ничек ярдәм итүе турындагы истәлекләре белән уртаклашты. Ватанпәрвәрлек темасына да тукталды. Хәрби кеше өчен үз илен һәм аның кешеләрен яклауга омтылышның никадәр мөһим булуын ассызыклады. Яшьләр солдатка авырлыкларны җиңеп чыгу һәм позитив халәтне ничек саклап калу турында сорауларын бирде. Сугышчы якыннарыңның һәм фикердәшләреңнең ярдәме, шулай ук үз принципларына ышану сынауларны җиңәргә ярдәм итә, -дип җавап бирде. Очрашу азагында катнашучылар үз фикерләре һәм хис-кичерешләре белән уртаклаштылар, хәрби сөйләгәннәрнең үтемле булуын билгеләп үттеләр. Бу очрашу яңа мәгълүмат алу гына түгел, илһамландыручы да булды, яшьләргә үз иленең гражданины булуның нәрсә икәнен яхшырак аңларга ярдәм итте. Киләчәктә дә шундый күркәм кешеләр белән очрашуларга өметләнеп, каһарманга кыюлыгы һәм ачыклыгы өчен рәхмәт белдерделәр.