Якты Күл авылында халык җыены узды

Бүген Якты күл мәдәният йортында район башлыгы урынбасары П.С.Уразайкин катнашында халык белән очрашу узды. Җыелышта шулай ук Совет аппараты, район башкарма комитеты җитәкчеләре, белгечләре, шәһәр һәм район хезмәтләре һәм ведомстволары вәкилләре катнашты. Көн тәртибенә түбәндәге мәсьәләләр кертелгән иде: районның социаль-икътисадый үсеше йомгаклары һәм 2025 елга бурычлары; Якты Күл авыл җирлегенең 2024 елдагы социаль-икътисадый үсеше нәтиҗәләре һәм 2025 елга куелган бурычлары; авыл халкы өчен гамәлдәге дәүләт ярдәме программалары; йорт хайваннары һәм кошлары авыруларын профилактикалау чаралары; авыл җирлегендә оператив хәл турында һәм башкалар. 2024 елда авыл җирлегендә үзара салым буенча түбәндәге эшләр башкарылды: Якты күл авылында Ленин урамына асфальт салынды, Утяшкин авылында зират төзекләндерелде - утыру урыны урнаштырылды, Пустынка авылында Үзәк урамда юл ремонтланды. Шулай ук, 2024 елда Агросила гранты буенча бүлеп бирелгән 700 000 сум акчага Якты күл мәдәният йорты бинасында җылылык системасы алыштырылды. Муниципаль берәмлек гранты буенча бүлеп бирелгән 2 000000 сум акча, халыкны эчәргә яраклы һәм хуҗалык-көнкүреш ихтыяҗлары өчен тотыла торган су белән тәэмин итү өчен, Якты күл авылында скважина бораулауга юнәлтелде. Актив гражданлык позициясе, махсус хәрби операциядә катнашкан хәрби хезмәткәрләргә бушлай ярдәм күрсәткәннәре өчен, маскировка челтәрләрен үрү буенча волонтерлар төркемнәре район башлыгының Рәхмәт хатлары белән бүләкләнде.