Зәй яшьләре – «Пушкин картасы» проектында актив катнашучылар

Зәй шәһәренең кино учреждениесенә Кинозалны модернизацияләү нәтиҗәсендә бүген шәһәр халкының һәм кунакларның уңайлы кинозалга йорү һәм яңа фильмнар карау мөмкинлеге туды. Мәдәният бүген-тормыш сыйфаты күрсәткече, димәк, концертларга, театрларга, спектакльләргә йөрмичә, сыйфатлы белем һәм тормыш мөмкин түгел. Пушкин картасы проекты-мәктәп укучыларының, студентларның, яшьләрнең ялын сыйфатлы итеп оештыру мөмкинлеге ул. Зәй шәһәренең кино учреждениесе хезмәткәрләре шәһәрнең һәм районның барлык мәктәпләре, шулай ук Зәй политехника көллияте белән уңышлы хезмәттәшлек итәләр. Булачак мәдәни чаралар, киноучреждение эше турында мәгълүмат киноучреждениенең рәсми сайтында, ВКонтакте социаль челтәрендә һәм «PRO. Культура. РФ» бөтенроссия порталында, шулай ук массакүләм мәгълүмат чаралары битләрендә урнаштырыла. «Пушкин картасы» программасы буенча фильмнар шәһәрдә һәм районның авыл җирлекләрендә яшәүче яшүсмерләр һәм яшьләр өчен күрсәтелә. 2024 елның гыйнварыннан декабренә кадәр «Пушкин картасы» буенча 5 235 билет сатылды. 47 фильм күрсәтелде («Воздух», «Битва пап», «Блиндаж», «Бременские музыканты», «Каждый мечтает о собаке», «Катя-Катя», «Командир», «Лед-3», «Любовь Советского Союза», «Огниво», «Онегин», «Сокровища партизанского леса», «Суворовец 1944», «Елки 11» һ.б.). «Пушкин картасы» проекты кысаларында Россия һәм Татарстан кинематографистлары фильмнарына билетлар сатып алынды.