Зәйдә хәрби хезмәткәрләр Г.В. Бикановны һәм Р.Г. Мильковны соңгы юлга озаттылар

Бүген Зәй районы махсус хәрби операциядә катнашкан кече сержант Биканов Геннадий Валентинович һәм гвардия ерейторы Мильков Руслан Геннадьевич белән хушлашты. Хәрби хезмәткәрләр хәрби бурычны үтәү барышында һәлак булган. Матәм мәрәсиме «Энергетик» мәдәният сараенда узды. Район башлыгы Р.Г. Кәримов ТР Рәисе Рөстәм Миңнеханов исеменнән, шәхсән үз исеменнән һәм барлык зәйлеләрдән һәлак булганнарның туганнарына һәм якыннарына, барлык зәйлеләргә кайгы уртаклашу сүзләре белән мөрәҗәгать итте. Чарада катнашучылар алдында шулай ук Татарстан Республикасы Хөкүмәтеннән куратор И.Н. Гущин, Зәй шәһәре һәм Зәй районы хәрби комиссары А.Ф. Әгъләмҗанов, «КАМАЗ» ААҖ генераль директоры урынбасары С.Ф. Галиәкбәров чыгыш ясадылар. Геннадий Валентинович белән Руслан Геннадьевичны соңгы юлга барлык хәрби хөрмәтләр белән озаттылар. Солдатларны бер минут тынлык белән искә алдылар. Геннадий Бикановны Сарсаз - Баграж авылы зиратына, Руслан Мильковны Якты күл авылы зиратына җирләделәр. Каһарманнар истәлеге зәйлеләрнең йөрәкләрендә мәңге яшәячәк.