Зәй ГРЭСында район башлыгы хезмәт коллективы белән очрашты

Бүген Зәй ГРЭСында энергетиклар район башлыгы Р.Г. Кәримов белән очрашты. Разиф Гали улы шәһәрнең иң эре предприятиеләренең берсе булган хезмәт коллективына районның 2024 елда социаль - икътисади үсеше һәм 2025 елга планнары турында сөйләде. Үзенең чыгышында ул ГРЭС коллективының шәһәр тормышында мөһим роль уйнавын, үзен район өчен социаль әһәмиятле проектларда актив күрсәтүен, иҗтимагый тормышта әйдәп баручы катнашучыларның берсе булуын билгеләп үтте. Район башлыгы шулай ук энергетикларга свода катнашучыларга ярдәмнәре, гуманитар ярдәм җыюлары һәм аны билгеләнгән урыннарга илтеп җиткерүләре өчен рәхмәт белдерде. 2024 елда предприятиенең җитештерү эшчәнлеге нәтиҗәләре һәм 2025 елга планнар турындагы нотык белән «Татэнерго» АҖнең Зәй ГРЭС филиалы директоры Д.В. Прохоров чыгыш ясады. Дмитрий Валерьевич һәр җитештерү-икътисадый күрсәткечкә җентекләп тукталды, коллективка бердәм хезмәтләре өчен рәхмәт белдерде, барысына да нык сәламәтлек һәм алга таба эшләрендә уңышлар теләде. Очрашуга йомгак ясап, район башлыгы Р.Г. Кәримов хезмәт коллективына һәм ГРЭС җитәкчелегенә яңа проектларны гамәлгә ашыруда уңышлы һәм тотрыклы эш теләде.