Зәй укучылары - инглиз теле буенча «Олимпка юл» республика олимпиадасы призерлары
2025 елның 10 гыйнварыннан 13 гыйнварына кадәр Татарстан Республикасы Мәгариф һәм фән министрлыгының «Республика олимпиада үзәге» дәүләт мәгариф учреждениесенең «Дуслык» сәламәтләндерү – белем бирү комплексы базасында Татарстан Республикасы мәктәпләренең 7-11 сыйныф укучылары өчен инглиз теленнән «Олимпка юл» республика олимпиадасының йомгаклау этабы узды. 6 нчы мәктәпнең 11 нче сыйныф укучысы Сөләйманов Айдар, 3 нче мәктәпнең 10 нчы сыйныф укучысы Сатторова Амалия, 6 нчы мәктәпнең 7 нче сыйныф укучысы Мингалеев Радмир олимпиадада катнашу нәтиҗәләре буенча призерлар булдылар. Мәктәп укучыларының «Олимпка юл» республика олимпиадасының инглиз теле буенча йомгаклау этабы призерларын әзерләгән укытучылар: 6нчы мәктәптән: Гиляева Роза Медерисовна һәм Саттарова Гөлшат Мундилловна, 3нче мәктәптән: Емекеева Галина Анатольевна.