Район башлыгы Разиф Кәримов җирле массакүләм мәгълүмат чаралары хезмәткәрләренең яңа хезмәт шартлары белән танышты

Бүген район башлыгы Разиф Кәримов эш визиты белән «Татмедиа» АҖнең «Зәй-информ» филиалы редакциясендә булды. Бу район җитәкчелегенең яңа бинага күчкәннән соң җирле массакүләм мәгълүмат чараларына беренче визиты. 28 декабрьдә редакция Федераль казначылык бинасының (Җиңү проспекты 12 а.адресында урнашкан) бушаган мәйданнарына күчте һәм 2025 нче елда район газеталарының, теле һәм радио яңалыкларның беренче саннарын яңа урында чыгара башлады. Район башлыгы редакция хезмәткәрләренең эш кабинетларын, ТВ-монтаж бүлмәләрен, газета редакциясенең бердәм эш киңлекләрен карап чыкты, журналистларга һәм техникларга яңа иҗади уңышлар теләде. «Зәй-информ» баш мөхәррире Александр Исаков барлык коллектив исеменнән Разиф Гали улына һәм аның командасына мәйданнар җитмәү проблемасын уңышлы хәл итүләре һәм филиал хезмәткәрләренә яхшы хезмәт шартлары тудырулары өчен зур рәхмәт белдерде.