Район башлыгы чаңгы ярышлары буенча Татарстан Республикасы беренчелеген ачу тантанасында катнашты

Бүген «Ялта - Зәй» спорт әзерлеге үзәгендә 17-18 яшьлек егетләр һәм кызлар арасында чаңгы ярышлары буенча Татарстан Республикасы беренчелеген ачу тантанасы булды. Ачылу тантанасында район башлыгы Разиф Гали улы Кәримов, район башлыгы урынбасары Петр Сергеевич Уразайкин, район Башкарма комитеты җитәкчесе Эмиль Эдуард улы Галиев, чаңгы ярышлары федерациясе президиумы әгъзасы Галиев Эдуард Шәйхнур улы, «Ялта-Зәй» үзәге директоры Огурцова Белла Ивановна, ТРның Атказанган физик культура хезмәткәре Шеблов Геннадий Михайлович катнашты. Татарстан Республикасы беренчелегендә :Әгерҗе, Аксубай, Актаныш, Алексеевск, Бөгелмә, Балтач, Буа, Чүпрәле, Алабуга, Зеленодольск, Кукмара, Саба, Сарман, Минзәлә, Менделеевск, Тукай, Ютазы муниципаль районнарыннан, Казан, Яр Чаллы, Әлмәт, Түбән Кама шәһәрләреннән 24 команда, Казан Олимпия резервы училищесы, ТР җыелма командасы һәм Зәй муниципаль районы командалары катнаша. Ярышлар 12 гыйнварга кадәр дәвам итәчәк. Бүген аерым старт булды, кызлар ирекле стиль белән 10 кмга, егетләр - 15 км дистанциядә ярыштылар. Иртәгә классик стильдә спринт булачак, 12 гыйнварда - беренчелекнең соңгы көнендә кызлар классик стиль белән 5 км, егетләр 10 км узачак.