Үзәк мәйданда бәйрәм ярминкәсе: йомгак ясау һәм киләчәккә планнар кору

Бүген шәһәрнең үзәк мәйданында быелның соңгы бәйрәм авыл хуҗалыгы ярминкәсе узды. Район халкы җирле фермерлар һәм җитештерүчеләр тәкъдим иткән продуктларның төрлелегеннән бик канәгать калды ит һәм сөт әйберләре, шулай ук кулдан эшләнгән тәм-томнар, казылыклар, сырлар, майлар, йомыркалар, яшелчәләр, бал һәм башка затлы фермер ризыклары аеруча игътибарны җәлеп итте. Көз башыннан бирле үткән ярминкәләрдә барлыгы 18 миллион 282 мең сумлык продукция сатылган. Бу саннар халыкның җирле җитештерүченең сыйфатлы продуктларына зур кызыксынуы булуын күрсәтә. Чараны оештыручылар барлык катнашучы һәм ярминкәгә килүчеләргә актив булганнары өчен рәхмәт белдерәләр. Ярминкә эшчәнлеге киләсе елда да дәвам итәчәк һәм яңа елның 11 гыйнварына планлаштырылган. Ул халыкка яңа һәм табигый продукция сатып алу өчен яңа мөмкинлекләр, ә безнең аграрийларга аларның товарларын сату өчен өстәмә мәйданчык булыр дип ышанып калабыз.