«Ел тәрбиячесе» Бөтенроссия конкурсының муниципаль этабы узды
2024 елның 10-25 декабрендә «Ел тәрбиячесе» Бөтенроссия конкурсының муниципаль этабы узды. Анда Зәй муниципаль районының мәктәпкәчә белем бирү оешмаларыннан 14 педагог катнашты. Конкурсның максаты-мәктәпкәчә белем бирү программаларын гамәлгә ашыручы мәгариф оешмаларында эшләүче педагогларны һөнәри һәм шәхсән үстерү, талантлы педагогларны ачыклау һәм аларга ярдәм итү, аларның алдынгы тәҗрибәсен тарату. Конкурсның муниципаль этабы ике номинация буенча үткәрелде: «Ел тәрбиячесе» һәм «Тәрбия һәм укытуның туган теле булган төркем тәрбиячесе». Конкурс сынаулары ике турда узды. «Минем педагогик табышым» дигән беренче конкурс сынавының форматы конкурсантның чыгышы иде, ул аның эшчәнлегендә мәктәпкәчә яшьтәге балаларны укыту, тәрбияләү һәм үстерү методларын һәм алымнарын, тәрбияләнүчеләрнең ата-аналары белән үзара хезмәттәшлек итү ысулларын һәм формаларын күрсәтә иде. Конкурста катнашучыларның чыгышы презентация яисә видеофрагментлар белән үрелеп барды. «Балалар белән педагогик чара» ның икенче турында конкурсантлар мәктәпкәчә яшьтәге балаларның төрле эшчәнлек төрләрен проектлау, оештыру һәм гамәлгә ашыру өлкәсендә һөнәри компетенцияләрен күрсәттеләр. Балаларның яшен һәм чараның темасын конкурста катнашучылар үзләре билгеләде. Муниципаль этап йомгаклары буенча «Ел тәрбиячесе» номинациясендә Зыятдинова Ләйсән Әнәс кызы-«Уймак кыз» балалар бакчасы тәрбиячесе җиңүче булды, 2 нче урын Шивирева Розалия Рәзим кызы- «Тиремкәй» балалар бакчасы тәрбиячесе, 3 нче урын Зайцева Анджелла Михайловна- «Энҗе» балалар бакчасы тәрбиячесе һәм Вәлиева Наталья Владимировна- «Шатлык» балалар бакчасы тәрбиячесе булды. Конкурсның лауреаты булып «Салават күпере» балалар бакчасы тәрбиячесе Йөзмөхәммәтова Чулпан Рәфис кызы, «Тәрбияләү һәм укытуның туган теле белән төркем тәрбиячесе» номинациясендә җиңүче булып «Кояшкай» балалар бакчасы тәрбиячесе Хәбибуллина Фәридә Йосыф кызы танылды. Икенче урында «Алтынчәч» балалар бакчасы тәрбиячесе Тимофеева Гөлфия Равил кызы булды. 2024-2025 уку елында «Ел тәрбиячесе» Бөтенроссия конкурсының муниципаль этабында җиңүчеләр һәм призерлар әлеге конкурсның зона турында февральдә катнашачаклар.