«Ел укытучысы» Бөтенроссия конкурсының муниципаль этабы нәтиҗәләре

Зәйнең 4 нче урта гомуми белем бирү мәктәбе һәм Р.Ш. Фәрдиев исемендәге татар гимназиясендә «Ел укытучысы» Бөтенроссия конкурсының муниципаль этабы узды. Педагоглар дәрестә үзләренең һөнәри осталыкларын һәм педагогик бергәлеккә үзләренең мастер-классларын күрсәттеләр. Һөнәри осталык конкурсы-педагоглар тормышында мөһим вакыйга, аларның һөнәри үсешенә яңа этәргеч. Конкурста катнашучыларның чыгышларына компетентлы жюри әгъзалары бәя бирде, алар составында мәгариф идарәсенең мәгълүмати-методик бүлеге башлыгы һәм методистлары, муниципаль методик берләшмәләр җитәкчеләре, әйдәп баручы укытучылар булды. Муниципаль этап йомгаклары буенча «Ел укытучысы» номинациясендә 4 нче мәктәпнең инглиз теле укытучысы Бурмистрова Ирина Анатольевна җиңүче булды, 2 нче урынны Р.Ш. Фәрдиев исемендәге татар гимназиясенең математика һәм физика укытучысы Юнысова Алсу Хәниф кызы алды, 3 нче урынны Якты Күл мәктәбенең математика укытучысы Биккинина Руфинә Илшат кызы һәм 6 нчы мәктәпнең башлангыч сыйныф укытучысы Хәлилова Любовь Александровна бүлеште. Конкурс лауреаты - 7 нче мәктәпнең инглиз теле укытучысы Корнилова Аэлита Александровна. 7 педагог төрле номинацияләрдә җиңүче булды. Муниципаль этап йомгаклары буенча «Педагогик дебют» номинациясендә 4 нче мәктәпнең башлангыч сыйныф укытучысы Романова Алена Николаевна җиңүче дип табылды, 2 нче урынны 1 нче мәктәпнең география укытучысы Зинкин Павел Владимирович, 3 нче урынны 3 нче мәктәпнең тарих укытучысы Голованова Елизавета Владимировна алды. Лауреатлар булып 2 нче мәктәпнең рус теле һәм әдәбияты укытучысы Мурзаханова Назилә Наил кызы, 7 нче мәктәпнең рәсем сәнгате укытучысы Бибко Анна Владимировна, Р.Ш. Фәрдиев исемендәге татар гимназиясенең башлангыч сыйныф укытучысы Фазлыева Лира Ильмир кызы танылды. Муниципаль этап йомгаклары буенча «Иң яхшы татар теле һәм әдәбияты укытучысы» номинациясендә Р.Ш. Фәрдиев исемендәге татар гимназиясенең татар теле һәм әдәбияты укытучысы Нәбиуллина Зөлфия Галимҗан кызы җиңү яулады, 2 нче урынны 6 нчы мәктәпнең татар теле һәм әдәбияты укытучысы Данилова Зилара Галимҗан кызы алды, 3 нче урынны - 7 нче мәктәпнең татар теле һәм әдәбияты укытучысы Талипова Алсу Гасыйм кызы, лауреатлар - 2 нче мәктәпнең татар теле һәм әдәбияты укытучысы Парфенова Светлана Петровна һәм Аксар мәктәбенең татар теле һәм әдәбияты укытучысы Ибраһимова Альбина Вәдүт кызы. 2024-2025 уку елында Бөтенроссия һөнәри осталык конкурсының муниципаль этабында җиңүчеләр һәм призерлар әлеге конкурсның зона турында катнашачаклар, ул 2025 елның февралендә уздырылачак.