Казанда Бөтендөнья татар конгрессының Татарстан җирле бүлекчәләренең йомгаклау утырышы узды
Утырыш «Туган авылым» күңел ачу үзәгендә «Каз өмәсе» ярминкәсе кысаларында узды, анда Татарстан Республикасы районнарыннан, шулай ук Россия Федерациясенең төрле төбәкләреннән фермерлар үз продукцияләрен тәкъдим иттеләр. Бөтендөнья татар конгрессының Зәй бүлекчәсе җитәкчесе Әминә Биккинина 21 декабрьдә Казанда узган Бөтендөнья татар конгрессының Татарстан җирле бүлекчәләренең йомгаклау утырышында катнашты. Түгәрәк өстәл артында район бүлекчәләре җитәкчеләре ТР Дәүләт Советы депутаты, Бөтендөнья татар конгрессы Башкарма комитеты җитәкчесе Данис Шакиров җитәкчелегендә «Каз өмәсе» кебек халык ярминкәләрен үткәрүнең актуальлеге, татар телен һәм тарихи мирасын саклауга юнәлдерелгән чаралар турында фикер алыштылар, Бөтендөнья татар конгрессы бүлекчәләренең еллык эшчәнлегенә йомгак ясадылар.