Казан районара табигатьне саклау прокуратурасы хәбәр итә

Татарстанда суд табигатьне саклау прокурорының таләпләрен хуплады һәм башкарма хакимиятнең төбәк органын кадастр эшләрен башкарырга һәм аучылык җирләренең чикләрен билгеләргә мәҗбүр итте. Казан районара табигатьне саклау прокуратурасы хайваннар дөньясын саклау өлкәсендәге законнарның үтәлешен тикшерде. Татарстан Республикасының Биологик ресурслар буенча Дәүләт комитеты Татарстан Республикасының кайбер муниципаль районнары территориясендә аучылык җирләренең чикләрен билгеләү һәм белешмәләрне Бердәм дәүләт күчемсез мөлкәт реестрына кертү бурычын үтәмәгән, бу исә аучылык ресурсларын һәм аларның яшәү тирәлеген саклап калуга, кызыксынган затларга аучылык җирләре турында актуаль белешмәләр алуга комачаулаган. Шуңа бәйле рәвештә табигатьне саклау прокуроры судка кадастр эшләрен башкару һәм аучылык җирләренең чикләрен билгеләү буенча башкарма хакимиятнең төбәк органына вазыйфа йөкләүне таләп итеп мөрәҗәгать итте. Табигатьне саклау прокуратурасының таләпләре суд карарлары белән канәгатьләндерелде. Закон бозуларны бетерү табигатьне саклау прокуратурасы контролендә тора.