Зәй районында фельдшер-акушерлык пунктын төзү дәвам итә

Фельдшер-акушерлык пунктларын төзү һәм модернизацияләү — «Сәламәтлек саклау» илкүләм проекты кысаларында гамәлгә ашырыла торган «беренчел медицина-санитария ярдәмен үстерү»федераль проектының мөһим юнәлешләренең берсе. Татарстан Республикасы Зәй районы Бигеш авыл җирлегенең Керәкес авылында фельдшер-акушерлык пункты төзелеше дәвам итә. Тантаналы ачылыш шәһәр көненә планлаштырылган. Авыл җирлекләрендәге ФАПлар стратегик әһәмияткә ия. Фельдшер - авыл халкына ашыгыч ярдәм күрсәтергә, шулай ук аларның сәламәтлеген күзәтергә тиешле беренче кеше. Яңа ФАП медицина хезмәткәрләренең нәтиҗәле эшләве өчен барлык кирәкле әйберләр белән тәэмин ителәчәк. Шуның нәтиҗәсендә авыл халкы диспансерлаштыруның беренче этабы кысаларында үз сәламәтлекләрен тикшерә, димәк, озын гомерлелекне арттыра алачак. Әйтергә кирәк, Зәй районында медицина учреждениеләрен модернизацияләү буенча эшләр ел саен алып барыла. Быел район үзәк хастаханәсенең йогышлы авырулар бүлегендә капиталь ремонт эшләре бара һәм җиде авыл җирлегендә (Поповка, Шыкмай, Пуст-Ашыт, Югары Мәлем, Зичәбаш, Урта Пәнәче, Иске Маврин авылларында) ФАПларга капиталь ремонт ясала. Шулай ук район үзәк хастаханәсенең стоматология һәм гинекология бүлекләрен реконструкцияләү буенча проектлар әзерләнә.