Зәй -2 бистәсе халкы белән очрашу узды
Кичә Иске Зәйнең район мәдәният йортында халык җыены булды. Очрашу башланыр алдыннан халыкның тормышын тәэмин итү хезмәтләре җитәкчеләре халыкны борчыган сорауларга җавап бирделәр. 2024 елның 7 аенда социаль-икътисади үсеш нәтиҗәләре белән район башлыгы Разиф Кәримов, шәһәрне төзекләндерү һәм үстерү эшләренең барышы белән шәһәр башкарма комитеты җитәкчесе Наталья Павлова таныштырды. Россия Эчке эшләр министрлыгының Зәй районы буенча бүлегенең өлкән участок уполномоченные Эдуард Әхмәтҗанов телефоннан караклык очраклары турында сөйләде һәм халыкны, бигрәк тә өлкән яшьтәге кешеләрне уяулыкка чакырды. Очрашуда катнашучылар алдында Зәй бермандатлы 38 нче сайлау округы буенча тәкъдим ителгән җиденче чакырылыш Татарстан Республикасы Дәүләт Советы депутатлыгына кандидат Рияз Фоатовичның ышанычлы вәкәләтле вәкиле Татьяна Воропаева чыгыш ясады. ТР Дәүләт комитетының биоресурслар буенча районара бүлеге җитәкчесе Әдиб Габдрахимов микрорайонда яшәүчеләргә агач утырту эшен дәвам итәргә кирәклеген тәкъдим итте. Очрашу азагында авыл хуҗалыгы идарәсе башлыгы Фәргать Кәмәлиев, Зәй үзәк хастаханәсе баш табибы урынбасары Вадим Усманов, Зәй электр челтәрләре башлыгы Олег Лукин, Зәй районы газ эксплуатациясе башлыгы Радик Гыймаевның мәгълүматы тыңланды.