Зәйдә “Сәламәтлек” Спартакиадасы кысаларында мини-футбол ярышлары узды

3 июльдән 15 июльгә кадәр “Энергия” стадионы спорт мәйданчыгында предприятиеләр, оешмалар командалары арасында “Сәламәтлек” Спартакиадасы кысаларында мини-футбол буенча беренчелек узды.Ул районда игълан ителгән Батырлык һәм бердәмлек елына багышланды. Гражданнарны физик культура һәм спорт белән системалы шөгыльләнүгә җәлеп итү «Демография» милли проектының төп бурычларының берсе булып тора. Ярышларда Зәй ГРЭСы, ТЕХНО заводы, «Аккурайд Уилз Руссиа» ҖЧҖ, «Зәй шикәре» АҖ, Физик культура, спорт һәм туризм идарәсе командалары катнашты. "Спартакиада безнең алга төп максат куя - бу безнең предприятие хезмәткәрләрен физик культура белән актив шөгыльләнүгә җәлеп итү. Көндәлек мәшәкатьләр белән кайвакыт сәламәтлегебезне саклау һәм ныгытуның мондый ысулы турында онытабыз. Спартакиада хезмәткәрләр арасында спортка җәлеп итүнең бик яхшы һәм кирәкле ысулы. Көнкүрештәге вак-төякләрдән баш тартып, без ярышка чакыру кабул итеп кенә калмыйбыз, ә тән һәм рухны да ныгытабыз. Һәм күпләр арасыннан берәү булса да спортка килә икән -димәк, боларның барысын да юкка гына эшләмибез! "- дип шәрехләде ярышларда катнашучыларның берсе - «Зәй шикәре» АҖ КИПА хезмәте җитәкчесе Руслан Нургалин. Ярышларда Зәй ГРЭСы командасы җиңүче булды, 2 урынны «Завод ТЕХНО» ҖЧҖ командасы алды, «бронза»ны «Аккурайд Уилз Руссиа» ҖЧҖ яулады. Бүген сәламәт яшәү рәвеше күп кешеләр өчен беренче чираттагы бурыч булып тора. Кеше сәламәт булганда,көче ташып торганда ул активрак һәм нәтиҗәле. Комплекслы ярышлар уздыру нәтиҗәсендә спорт командалары төзелә, алар республика яисә тармакара ярышларда предприятиеләренең данын яклый.