«Форпост» җәмәгать тәртибен саклау буенча яшьләр формированиеләре арасында зона Спартакиадасы

20 майда Зәй муниципаль районында «Форпост» җәмәгать тәртибен саклау буенча яшьләр формированиеләре арасында зона спартакиадасы узды. Безнең шәһәрдә өченче тапкыр уздырыла торган Спартакиадага Әлмәт, Азнакай, Ютазы, Сарман, Лениногорск муниципаль районнарыннан егетләр һәм кызлар килде. Командаларга чиратлап 100 м дистанциягә йөгерү, перекладинада тартылу, ату осталыгын күрсәтү, гер күтәрү, граната ыргыту һәм бау тартышу кебек сынаулар узарга кирәк иде. Урыннар түбәндәгечә бүленде: А төркеме: 1 урын - Ютазы муниципаль районы, 2 урын - Әлмәт муниципаль районы, 3 урын - Азнакай муниципаль районы. В төркеме: 1 урын - Зәй муниципаль районы, 2 урын - Лениногорск муниципаль районы, 3 урын - Сарман муниципаль районы. Барлык балалар да бик яхшы әзерлек һәм яхшы нәтиҗәләр күрсәттеләр. Команда рухы егет- кызларны якынайтты, барысы да һәр этапта бер-берсенә ярдәм күрсәттеләр.