Зәйдә баскетбол буенча Татарстан Республикасы беренчелеге узды

26-28 апрель көннәрендә “Старт” спорт-сәламәтләндерү комплексында “Б” төркеменең 17 яшькә кадәрге (2009 елда туган) яшүсмерләр арасында баскетбол буенча Татарстан Республикасы беренчелеге узды. Ярышлар «Демография” милли проектының төп бурычларын үтәүгә юнәлдерелгән иде. Ярышларда 8 команда: Спас муниципаль районының “ДООЦ” өстәмә белем бирү МББУ, Түбән Кама муниципаль районының “5 нче мәктәп” өстәмә белем бирү МБУ, Ютазы муниципаль районының “Олимп” балалар-яшүсмерләр спорт мәктәбе” МБУ, Алексеевск муниципаль районының “Спорт мәктәбе” спорт мәктәбе” өстәмә белем бирү МБУ, Буа муниципаль районының “Юность” спорт мәктәбе” муниципаль бюджет учреждениесе, Питрәч муниципаль районының “КСШ” өстәмә белем бирү МБУ, Кукмара муниципаль районының “Батыр” балалар-яшүсмерләр спорт үзәге” МБУ һәм Зәй муниципаль районының Асадов Камран Хасанович җитәкчелегендәге “Барс” спорт мәктәбе” спорт командасы катнашты. Баскетбол - ул көч, җитезлек, чыдамлык һәм ныклык тәрбияләүче команда уены. Ярышлар лидерлык сыйфатларын формалаштыруга ярдәм итә, командада эшләргә һәм гомуми максатларга ирешергә өйрәтә. Беренчелек йомгаклары буенча 1 урынны Зәй районының “Барс” спорт мәктәбе командасы, 2 урынны Спас районының “ДООЦ” спорт мәктәбе командасы, 3 урынны Алексеевск районының “Спорт мәктәбе” спорт мәктәбе” МБУ командасы алды. 2009 елгы кызлар арасында Татарстан беренчелегенең MVP иң яхшы уенчысы булып Зәй командасы вәкиле Ханнанова Рамилә танылды. Призерларны Татарстан Республикасы спорт министрлыгының «Республика физик культура һәм яшүсмерләр спорты үзәге» ДББУ директоры Рәхмәтуллина Мөнирә Таһир кызы котлады: «Барысын да планлаштырылган һәм ирешелгән нәтиҗәләр белән котлыйм. Зәйнең спорт мәктәпләренә ярышларны югары дәрәҗәдә оештырганнары һәм үткәргәннәре өчен рәхмәт!» -диде ул.