Зәйдә Бөек Ватан сугышы ветераннарын котладылар

Җиңүнең 79 еллыгы алдыннан район башлыгы Разиф Кәримов Бөек Ватан сугышы ветераннарын котлады. Анна Моисеева 1942 елдан 1945 елның сентябренә кадәр медицина хезмәтенең кече сержанты дәрәҗәсендә 1 нче Белоруссия фронтының 61 нче армиясе 473 нче кыр күчеп йөрүче хирургия госпиталендә кече шәфкать туташы булып хезмәт итә. Мәскәүдән Берлинга кадәр хәрби юл үтә. Леонид Мачтаков 1942 елның гыйнварында хәрби училище курсанты була, аны тәмамлагач фронтка җибәрелә. Ржев янындагы каты сугышларда беренче тапкыр яралана. 1942 елның ноябрендә Сталинградка китә. Декабрьдә һөҗүм башлана, анда Леонид Яковлевич үз часте белән бергә катнаша. Солдатлар Луганск шәһәренә кадәр барып җитәләр, андагы бәрелешләрдә зәйле автомат чиратыннан яралана. Госпитальдән соң 57 нче армия составында ул Курск дугасындагы сугышта катнаша, анда һөҗүм вакытында контузия ала. Савыкканнан соң яңадан хәрби хәрәкәтләрдә катнаша. Валентина Лукьяновна Үзәк, аннары 2 нче Белоруссия фронты составында Икенче бөтендөнья сугышының һәм Бөек Ватан сугышының төп бәрелешләренең берсе булган Курск сугышында (1943 елның 5 июле -23 августы) катнаша. Зәй Бөек Ватан сугышы ветераннары-легендар шәхесләр, хөрмәтле кешеләр. Бүген традиция буенча Җиңү көне алдыннан алар барысы да республика Рәисеннән һәм район башлыгыннан котлаулар һәм бүләкләр кабул иттеләр. Шулай ук ветераннарга хәрби комиссар Айрат Әгъләмҗанов, Зәй муниципаль районының социаль яклау бүлеге башлыгы Эльмира Хуҗина, район ветераннар Советы рәисе Алексей Алексеев үз теләкләрен җиткерделәр. Очрашу вакытында ветераннар сугыш еллары турындагы хатирәләре белән уртаклаштылар.