Язгы санитар экология икеайлыгы

1 апрельдә "Зәй 9 нчы мәктәбе” дәүләт бюджет учреждениесендә язгы санитар һәм экологик чистарту кампаниясе башланды. Ике айлык кампания кысаларында мәктәп мәйданын кардан арындыру эшләре үткәрелде. Мәктәп "Чәчәк үсентеләре" проектын тормышка ашыру юнәлешендә тулы көченә эшли. 5-9 класс укучылары чәчәк орлыкларын кыштан ук чәчкәннәр, мәктәп яны территориясен ямьләү өчен үсентеләр турында бүгеннән кайгырталар. 6а сыйныф укучысы Павел А., һәм 9а сыйныф укучысы Айсылу М. социаль плакат юнәлешендә "Татарстанның табигатен сакла" конкурсында катнашканнар. Конкурсның максаты - яшь буында экологик фикерләү һәм культураны, Татарстанның табигый ресурсларын саклау һәм арттыру белән кызыксынуны үстерү. Хәзер коллектив түземсезлек белән нәтиҗәләрне көтә. Беренче сыйныф укучылары белән “Табигатьнең гаҗәеп дөньясына сәяхәт” экологик уены үткәрелгән. Хезмәт укытучылары Тулынин Б.И. һәм Файзуллин Р.В. "Каурыйлылар өчен оя" акциясендә актив катнашканнар, тиздән туган якларына кайтачак кошлар өчен балалар ясаган ояларны “Яшьлек” паркындагы агачларга элделәр.