Зәйдә Россия спорт мастеры Константин Волков истәлегенә ирекле көрәш турниры узачак

13 апрельдә Зәйнең «Старт» спорт-сәламәтләндерү комплексында Россия спорт мастеры Константин Волков истәлегенә егетләр һәм кызлар арасында ирекле көрәш буенча төбәкара турнир узачак. Волков Константин Александрович 1982 елда Зәй шәһәрендә туган. Яшь вакыттан бирле ирекле һәм татар - башкорт көрәше белән мавыккан. 1998 елда «Россия спорт мастеры» исеменә лаек булган. Шулай ук Идел буе һәм Урал турнирлары, грек-рим көрәше буенча халыкара турнирлар җиңүчесе дә булган. 2003 елда фаҗигале төстә һәлак була. Талантлы спортчы истәлегенә ел саен ирекле көрәш турниры уздырыла. Ярышлар түбәндәге тәртиптә узачак: 2007-2008 елгы яшүсмерләр арасында:55 кг; 2009 елгылар арасында: 45 кг; 2010-2011 елгылар арасында 40 кг, 44 кг, 50 кг, 60 кг, 68 кг; 2012-2013 елгы малайлар арасында: 29 кг, 32кг, 35 кг, 45 кг, 50 кг; 2014-2015 елгылар арасында:23 кг, 25 кг, 30 кг, 40 кг; 2016 елгылар арасында: 24 кг, 26 кг, 29 кг. Кызлар арасында 2010 елда туганнар арасында:60 кг; 2011 елгылар арасында:42 кг авырлыктагылар үзара көч сынашачак. Турнир 10:00 сәгатьтә башлана.