Яшь зәйлеләрне рәсем конкурсында катнашырга чакыралар

«Бердәм Россия» партиясенең Зәй җирле бүлегендә «Балалар илне сүрәтли»18 нче республика рәсем конкурсының муниципаль этабы башланды. Конкурста шәһәр һәм районның гомуми белем бирү мәктәпләренең 1-4 сыйныф укучылары катнаша ала. Эшләрне дүрт номинациянең теләсә кайсысында яки барысында да берьюлы белдерергә мөмкин: «Россия Федерациясендә Гаилә елы», «Татарстан Республикасында фәнни-технологик үсеш елы», «Без – куркынычсыз юллар өчен», «Мин - патриот». Арткы ягында һәр рәсем ТР дәүләт телләренең берсендә (рус яки татар телендә) түбәндәге мәгълүматларны күрсәтеп имзаланырга тиеш: катнашучының фамилиясе, исеме; яше, сыйныфы, мәктәп номеры; Татарстан Республикасы районы; торак пункт (шәһәр, авыл); эш исеме; укытучының исем-фамилиясе, контакт телефоны. 2024 елның 20 маена кадәр партиянең җирле бүлеге Зәй муниципаль районы Башкарма комитетының мәгариф идарәсе, «БДД» ДБУның Зәй бүлеге белән берлектә конкурсның муниципаль этабына йомгак ясаячак, җиңүчеләрне дипломнар һәм истәлекле бүләкләр белән бүләкләячәк. Иң яхшы 10 эш Төбәк башкарма комитетына конкурсның республика этабында катнашу өчен тапшырылачак. А-4 һәм А-3 форматындагы рәсемнәр 2024 елның 20 маена кадәр партиянең җирле бүлегендә кабул ителә: Зәй шәһәре, Чапаев урамы, 1 йорт (зд. Үзәк китапханә). Башкару техникасы ирекле. Өстәмә мәгълүматны 8(85558) 7-30-94 телефоны буенча алырга мөмкин.