Зәйдә кыска вакытлы ялда булган мобилизацияләнгәннәр белән очрашу узды
Бүген балалар иҗат йортында район җитәкчелегенең кыска вакытлы ялга кайткан хәрби хезмәткәрләр-махсус хәрби операциядә катнашучылар белән чираттагы очрашуы узды. Очрашуда хәрби комиссар А.Ф. Әгъләмҗанов, хәрби хезмәткәрләрнең гаиләләренә ярдәм мәсьәләләре буенча эшче төркем әгъзалары, активистлар һәм волонтерлар, иҗтимагый берләшмәләр әгъзалары катнашты. Чара А.Х. Вәлиуллина җитәкчелегендәге иҗат коллективы чыгышы белән башланды, шулай ук Никита Шакмаков «Солдат, без үзебезнекеләрне ташламыйбыз!» - дип аталган шигырен укыды. Чарада катнашучылар бер минут тынлык белән махсус операциядә һәлак булган якташларын искә алдылар. Район башлыгы вазыйфаларын башкаручы Петр Уразайкин хәрбиләрне районда башкарылган эшләрнең барышы белән таныштырды, барлык зәйлеләр исеменнән солдатларга Ватан мәнфәгатьләрен яклаган өчен рәхмәт белдерде, аларның батырлыгын, бурычларына һәм хәрби антларына тугрылыклыгын билгеләп үтте, көч туплап китеп, җиңү белән туган җирләренә әйләнеп кайтуларын теләде. Чәй өстәле янында хәрбиләр үз хезмәтләре турында сөйләделәр, аларга күрсәтелгән адреслы гуманитар ярдәм, якыннары турында кайгыртулары өчен барлык зәйлеләргә зур рәхмәт белдерделәр. Әңгәмә барышында хәрбиләрнең көнүзәк проблемалары һәм мөрәҗәгатьләре турында фикер алыштылар. Очрашу җылы атмосферада узды.